想快啲考到電工A牌實務試？ 留意候補機會！
各位準備考電工A牌嘅朋友仔注意啦！ 筆試Pass咗，係咪心急想快啲搞掂埋實務試？ 但係咪覺得排期考試好耐/好遲？ 唔洗灰心！ 其實仲有個「執雞」機會！ 
「執雞」即係候補嘅意思！ 如果你想盡快考到電工技能測驗嘅實務試，不妨留意下以下嘅「執雞」方法！ 助您提前考試！
1. #去邊度「執雞」？ 去指定嘅網址連結（[https://ttrs.vtc.edu.hk/ttrs/]）。
2. #點樣登入？ 輸入你嘅 身份證號碼頭六個數字 同埋 申請表號碼 。
3. #睇日曆顏色！ 登入後你會見到一個日曆，如果某啲日子 有顏色，就代表嗰啲日子 可能有後補位！ （唔係所有日子都有得後補㗎！）
4. #揀日子睇時間！ 揀有顏色嘅日子，通常會彈出畫面顯示 可候補嘅日期同時間！
5. 「執雞」 #黃金時間？ 根據經驗，通常可以執到 未來兩個星期 嘅雞位！
6. #候補成功率高唔高？ 有唔少同學仔都試過 候補成功 㗎！ （不過要提提你，要去到現場先會知自己係候補第幾位…）
7. #幾時更新候補位？ 通常每日 凌晨00:00 會更新候補位空缺！亦有同學試過 朝早8點 成功執到雞！ （勤力啲Refresh網頁可能有驚喜！）
8. #候補唔一定有得考！ 如果當日 冇考生缺席，候補生就 唔會安排到考試 㗎！ 所以「執雞」都要睇彩數，但試咗總好過冇試！
溫馨提示：
- 「執雞」位真係手快有手慢冇！ 見到有位啱時間就即刻Confirm啦！
- 候補位都係一個機會，唔保證一定成功，但多個機會都係好事！
- 一旦透過「執雞」完成考試，該次成績即為最終成績，不會另設正常排期。
- 祝各位「執雞」成功，早日考到電工A牌！
